Philippine President-in UN chhuahsanah a vau

Philippine President Rodrigo Duterte chuan an rama dan loa damdawi zuar leh hmang sualte laka beihpui an thlak mek chungchang United Nations-in a sawiselna chu chhang let a, an ram inrelbawlnaa inrawlh lo tura a tih hnuah, nimin khan UN chhuahsanah a vau leh.

Kar kalta khan UN human rights expert pahnih chuan Phi≠lippine sorkar hi damdawi zuarte laka beihpui a thlaknaah mi tam tak tihhlum an ni tawh chu sawi≠selin, titawp turin an nawr a ni. May 9 aṭanga beihpui thlak a nih aṭangin dan loa damdawi zawrhnaa inhnamhanwih mi 900 vel thah an ni tawh nia sawi a ni.

President Duterte chuan Davoa khuaa news conference a neihnaah hei hi chhangin, damdawi zuarte thihna chungchangah sorkar chu a mawhphurtu a ni lo tih sawiin, police-te thah an ni lo tih pawh UN expert-te chhui chian an ngam thu a sawi. Dan loa damdawi zuarte thihna chung≠chang ringawt ngaihtuah lo a, damdawi hmansual avanga nunna chan mi tam takte dinhmun pawh ngaihtuah tel turin a ti bawk.

UN thiltih danah a lawm loh thu sawiin, UN aṭanga inlakhran pawh ngaihtuah a ngai mai thei tih a sawi a, China leh ram dangte chu UN aiawh tur pawl dang dinpui turin a sawm a ni.