Turkey parliament-in Israel nen boruak siamṭhat duh

Turkey parliament chuan thla ruk chhung Israel nena an inkar boruak chhe tawh siamṭhat a, palai intirh tawn leh rawtna chu Inrinni khan a pawm.

Kum 2010-a Israel sipaiten Gaza Strip-a chhawmdawlna phurh luh tumtu, Turkey lawng an dap ṭuma an inbeihnaa Turkish activist 10 an thih avangin ram pahnihte inkar boruak hi a chhe chho hle a ni.

Hun eng emaw chen an inkar boruak a chhiat hnuah, ram pahnih≠te hian boruak siamṭhat tumin hma an la a, inremna pawh an lo siam tawh a ni. Inremna an siamah hian Israel chuan a sipaiten lawng an beih ṭuma thite pualin z·ngnadawmna US dollar maktaduai 20 chu ni 25 chhungin a pe ang a, Turkey chuan he thil thleng kaihhnawihah thubuai a siam zawng zawngte a hnukkir ve vek thung ang. Israel sipai emaw, Israel mi mimal chu he thil thleng≠ah hian mawhphurtua puh an ni lo bawk ang.

Inremna siam hi kumin kumtir lam khan Israel cabinet chuan a lo pawm tawh a, Inrinni khan Turkey chuan a pawm ve leh thei ta a ni.

Israel sorkar chuan Turkey parliament-in inremna a pawm ta chu lawmawm a tih thu a sawi a, an inremna siam chu a taka hman thuai a beisei thu a sawi.