Hremna pumpelh tumin NKorea deputy ambassador tlanchhia

UK-a North Korea deputy ambassor, Thae Yong Ho chu inhumhimna zawngin ram dangah a tlanchhia tih tarlan a nih hnuin, North Korea sorkar chuan pawi a khawih vangin hremna pumpelh tumin a tlanchhia a ni, a ti.

NKorea sorkar chuan Thae chu state sum tam tham tak tichingpenah a puh a, hei bakah hian an ram thurukte a hralh bakah, kum tlinglo hmeichhia a pawngsual bawk niin official news agency KCNA-ah a tarlang. Hei vang hian hremna pumpelh tumin South Korea-ah a tlanchhe ta niin a sawi.

June thla khan NKorea sor≠kar chuan Thae chungchang hi chhui chiang turin a ti a, July 12 khan Central Procurtorate chuan thubuai siamsak a tum ta niin a sawi bawk. Thae chungchang thu South Korea-in a ni lo zawnga a thehdarh chu an dem thu sawiin, dik lo takin NKorea hming tihchhiatna remchangah a hmang a ni, a ti.

South Korea Unification Mi≠nistry chuan kar kalta Nilaini khan NKorea deputy ambassador hi SKorea ramah himna zawngin a chhungte nen an tlanchhia niin a tarlang a ni.