MERS damdawi neiah North Korea inchhal

South Korea rama hri leng mek, Middle East Respiratory Syndrome (MERS) hri danna chu North Korea chuan a siam chhuak tiin a sawi.

MERS hri leng vangin South Korea-ah hian mi 24 an thi tawh a, he hri leng mek danna, vaccine emaw, a enkawlna damdawi bik hi khawvelah siamchhuah a la ni lo. Mahse tun hnaiah NKorea-a pharmaceutical company chuan MERS vaccine a siam thu a sawi.

NKorea-a Korean Central News Agency chuan he thu hi thehdarhin, Pugang Phar­maceutical Company chuan thlai hnah chi khat (ginseng) aṭangin MERS vaccine, 'Kumdang-2' tih chu a siamchhuak tiin a sawi. He vaccine-a inchiu chuan, MERS hri a lo dan bakah, a kai tawhte pawh a tidam thei a ni, a ti. Kumdang-2 hi MERS bakah natna hri dang inkaichhawn theihte danna atan pawh hman theih vek a ni, a ti.