Israel-in Gaza aṭanga beihna a chhang let

Gaza Strip aṭanga rocket hmanga Israel chhim lam beih a nih hnu­ah, nimin zing khan Israel sipaite chuan chhang letin, Gaza Strip-a Hamas fir­fiakte hmun an bei let ve nghal.

Israel Defence Force thuchhuah chuan rocket hmanga an kahna hmun hi an kap let tih a sawi.

Gaza aṭanga rocket kahchhuah hi Israel chhim lam, ramri bulah a tla a, thil tih chhiat lian tham a neih loh bakah, hliam tuar an awm lo. Gaza aṭanga Israel lama rocket kah hnuhnung ber chu June 6 kha a ni a, hei pawh hi Israel sipaite chuan an chhang let nghal a ni.