China-in school-ah physical education dah pawimawh

China ramah naupang thau lutuk, obesity an tam chhoh tak avangin sorkar chuan school-ah physical education chu secondary subject-ah dah tawh loin, core subject-ah a telh.

Primary leh secondary school-te chuan physical education teacher-te chu subject dang zirtirtu dang - Chinese, Maths leh English leh a dang zirtirtute nen ang khatin a en vek tawh tur a ni tiin, school tinte chuan infiamna lam - soccer/football, basketball leh volleyball lam tih hmasawnna turin hma an la tur a ni tiin Ministry of Education chuan a tarlang.

Ministry chuan he hmalakna hi an hmalam huna an ram innghahna tur, naupang an nih dan phung tur aia thaute zirna lamah chauh ni lo, taksa hriselna leh fitness lama an buatsaihna tur a nih thu a sawi.

China sorkar hian kum 2035-a 'strong education nation' ni tura an ruahmanna siamte tarlangin, an policy-ah hian primary leh secondary school zirlaite chuan nitin taksa sawizawina lam, physical activity darkar hnih tal neih tir an nih tur thute a tel. Taksa sawizawina an neihpui hian naupangte mit fiah lo leh thau lutuk tur pawh a veng thei dawn a ni.

Kum 2022 thleng khan China-a physical education teacher indaih lohna hi nuai 1.2 vel a tling a, a bikin thingtlang lamah an indaih lo zual hle. Mahse sorkarin physical education a dah pawimawh tak avangin zirtirtu tam tham tak lak thar an ni dawn a, infiammi chawl tawh leh sipai bangte pawh tam tak lak an nih a rinawm. Subject dang zirtirtu ang bawkin hamṭhatna pawh in ang vek pek an ni ang.

China ramah hian mipa naupang thau lutuk hi 1009-a 1.3% an awm laiin 2022-ah chuan 15.2% an tling tawh. Hetih lai hian US chu a la sang zawk hle a, 22% an la awm. Hmeichhe naupang thau lutuk hi China-ah 1990 khan 0.6% niin, 2022-ah chaun 7.7% an tling. Natoinal Health Commission chuan thau lutuk an pung chho zel chu ngaihven ngai tak a ni tiih, an rama thihna thlen tamtu parukna a tlin phak thu a lo sawi tawh a ni.