Vietnam-in APEC Summit 2017 a thleng dawn

Vietnam Ministry of Fo­reign Affairs (MOFA) chuan kum 2017-a Asia-Pacific Eco­nomic Cooperation (APEC) summit vawi 25-na chu an ramah a thleng dawn tih a sawi.

Vietnam khawpui, Ha­noi-a international seminar neihnaah he thu hi Deputy Prime Minister leh Foreign Minister Pham Binh Minh chuan a sawichhuak a, APEC summit thlen chu an member ram dangte nena an inlaichinnaah pawh thil ṭangkai tak a nih tur thu a sawi.

Minh chuan kum 25 chhungin APEC chu Asia Pa­ci­fic bial leh khawvel huap­ah pawh economic lama thawh­hona ṭha tak siamtu pawi­mawh tak a ni, a ti.

APEC hi kum 1989-a din a nia, tunah hian member ram 21 an awm mek. Vietnam hian kum 1998 khan APEC hi a zawm.