Jindal-an US President candidate chuh a tum

Kum 2016-a US President thlanna neih tura party candidate nih tum an awm belh zel. Louisiana state Governor Bobby Jin­dal chuan Nilaini khan Republican Party pre­sident candidate chuh a tum thu a puang ve leh.

Nilaini khan New Orleans khawpuia amah thlawptu mi 1,000 chuang pungkhawm hma­ah Jindal hian pre­si­dent candidate chuh a tum thu hi a puang a ni.

Kum 44 mi, Jindal hi Indian-American a ni. Louisiana state governor a nih aṭangin an state chu zirna, eco­nomy leh employ­ment lamah hma a sawnpui hle tih a sawi.

Mipui ngaihdan lakkhawmah Repub­lican party president candidate chuh tum zingah Florida Gover­nor, Jeb Bush chuan hma a hruai mek. Jeb Bush-a unaupa George W Bush leh a pa, H.W. Bush-te chu US Pre­sident hlui ve ve an ni.

Democrat party can­didate zingah US Pre­sident hlui Bill Clin­ton-a nupui, Sec­re­tary of State hlui Hillary Clin­ton-i chuan hma a hruai mek bawk.