English Bible hmasa ber copy lilam dawn

Kum 1537-a tihchhuah, English Bible hmasa ber-a Thuthlung thar copy chu thla thar hian London-ah lilam a ni dawn a, pound 35,000-a hralh beisei a ni.

Wiiliam Tyndale-a lehlin, Thuthlung thar hi tuna a neitu hian kum 1960 vel khan Cambridge-a lehkhabu hlui zawrhna dawrah shilling 25-in a lei a ni. Hei hi Tyndale-an English-a Bible pum a lehlin ami lakchhuah a ni.

Tyndale hi sakhaw rin dan kalh zawnga chea puhin Antwerp, Belgium-ah man a ni a, kum 1536 khan tihhlum a ni. Tihhlum a nih hnu hian a Bible lehlin copy, Britain-a hmuhte chu halral an ni.

England lal, Henvry VIII khan a hnuah Bible-a a lehlin zinga bu pali-te chu England-a tichhuak turin thu a pe leh a ni.