Sri Lanka President-in parliament a ṭhiat

Sri Lanka President Maithripala Sirisena chuan an ramin inthlan­pui an neih theihna tura kawng hawnna atan, kar kalta Zirtawpni zan zanlai aṭang khan parliament a ṭhiat.

Sorkar thupuangtu, Rajitha Senaratne chuan President-in par­lia­ment a ṭhiah thu hi a sawi. Hei hi United Na­tional Party (UNP) in a ngen avanga ti nia sawi a ni bawk.

Kumin January thlaa President thlan­naah khan Sirisena hian president ṭanglai, Mahin­da Rajapaksa chu a hneh a ni. He inthlan­ah hian UNP hi Siris­ena thlawptu ber niin, an party hruaitu Ranil Wickremesingha chu prime minister a ni.

Sri Lanka ram danah chuan parliament ṭhiah a nih aṭanga ni 52-66 chhungin inthlanpui hi buatsaih tur tih a ni. Sorkar chuan inthlan­pui hi August 17-ah buatsaih a nih tur thu a sawi.

President hlui, Ma­hi­nda Rajapaksa chuan inthlanpui neih turah hian prime minister can­di­date anga chuh leh ngei a tum thu a sawi. A minister hlui, Kumara Welgama chuan in­thlan­ah President hlui hian eptu ṭangrual pawl, United People's Free­dom Alliance (UPFA) hminga chuh a tum thu a sawi.