Houthi leh Yemen sipaite inbei chhunzawm

Yemen-a Aden leh Taiz khawpuiah President Abd-Rabbu Mansour Hadi thlawptu sipai leh Houthi helpawlte an inbei leh a, mi 21 an thi.

Houthi helte hian kar kalta Inrini kha Aden khawpuia oil refinery chu beiin, oil dahna tank-te chu missile hmangn an kap. Hemi hnu hian khawpui chhung hmun dangte pawh an bei chhunzawm a ni. Aden-a lawng chawlh hmun leh oil refinery-te hi sorkar sipaite kutah a la awm a, heng hmun pawimawhte hi lak tumin Houthi hel ho hian an bei reng a ni.

Yemen hmarlama Taiz khawpuiah pawh hel leh sipaite hi nasa takin an bei a, helho hian tank hmangin khawpui hi an bei. Helho hian Yemen ramri bul, Jizan province-ah Saudi Arabia sipai pakhat kaphlumin midang pakhat an kap hliam bawk.