IMF-in Pakistan ṭanpuina tur a pawm

International Monetary Fund (IMF) chuan sum lama harsatna tawk mek, Pakistan puihna atan dollar maktaduai 506 loan pek a remti.

Loan pek tur hi kum thum chhunga IMF-in Pakistan ram sum dinhmun siamṭhatna atana a puihna kawng khat a ni.

IMF Executive Board chuan kumin January aṭanga March thla thlenga Pakistan ram sum dinhmunte zirchiang a, meeting vawi sarih zet a neih hnuah loan pek hi a remti a ni. Loan hi tunkar chhunga pekchhuah hman beisei a ni.

Kum 2013 September thla khan IMF hian kum thum chhung atan Paksitan hnenah hian Extended Fund Facility, dollar tluklehdingawn 6.6 pek a lo remti tawh a ni. Tuna loan a pek leh tur nen, IMF-in kum 2013 aṭanga Pakistan hnena sum a pekchhuah hi dollar tluklehdingawn 4.1 a tling dawn a ni.