Khawvelah Juda mi an pung zel

Khawvelah Juda mi an pung zel a, Indopui II-naa Juda mi nuai tel suat a nih hma ang kha an zat leh hnai tawh.

Jewish People Policy Institute annual report chuan khawvelah Juda mi maktaduai 14.2 an awm tawh tih a sawi. Pa emaw, nu emaw Juda mi chhiar telin mi maktaduai 16.5 an awm tawh a ni, a ti. Hei hian Indopui II hmaaa khawvela Juda awm zat kha a tluk thuak tawh tiin a tarlang bawk.

Indopui II hunlai khan Nazi leh an thurualpuite chuan Juda mi maktaduai 6 vel an suat a ni.

Institute President Avinoam Bar-Yosef chuan khawvela Juda mi awm zinga a tam ber chu Israel rama cheng niin, maktaduai 6.1 an awm thu a tarlang a, a dawttu US-ah maktaduai 5.7 an awm thu leh France ramah 475,000 an awm thu a tarlang bawk.