SKorea leh US-in annual war game an ṭan

South Korea leh US sipaite chuan nimin khan joint annual war game an ṭan.

Ram pahnih sipaiten kumtina an neih ṭhin, indo nunchan zirna hi kumin hian August 22- September 2 chhungin neih a ni dawn a ni. Sipaite nunchan zirnaah han US sipai 25,000 bakah South Korea sipai 50,000 vel an tel dawn a ni. Nikuma nunchan zirnaah hian US hian sipai 30,000 a lo tel tir tawh a ni. Kumina sipaiten nunchan an zir hi 'Ulchi Freedom Guardian war game' tia vuah a ni.

North Korea chuan US leh SKorea sipaite nunchan zir tur hi a hma
aṭangin a lo vau lawk tawh a, an ram tuipui leh boruak chinah an che a nih chuan lo chhang let nghal turin an inring reng tih Korean People's Army General Staff thupuangtu chuan a sawi, an ram chin an rawn lut a nih chuan US leh SKorea chu meivapah an chantir vek dawn tih a sawi.