Bin Laden-a chanchin ziaktuin sum a chawi dawn

Al-Qaida firfiak pawl hotu, Obama bin Laden-a beihna leh thahnaa tel, US Navy Seal hlui pakhatin beihpui an thlak dan kimchang lehkhabua siama a tihchhuah avang≠in sorkar hnenah dollar maktaduai 6.8 chuang a pek a ngai dawn.

Navy Seal hlui Matt Bissonnette chuan a lehkhabu, 'No Easy Day' ah Osama bin Laden an beih dan kimchang hi a ziak a ni. Mahse he lehkhabu tichhuak tur hian Defence Department lam
aṭangin phalna a hmu lo a, sorkar thuruk thil a puanzar avangin sum tam tak a chawi a ngai dawn a ni.

Matt Bisosonette hian a lehkhabu hi hming lem, Mark Owen tih hmingin a ziak a ni. Sorkar-in puanzar loh tura a tihte a sawichhuah avang hian lekhabu leh a lehkhabu behchhana film siama neitu nihna leh hlawknate chu US sorkar kutah a hlan vek ang. A sum chawi tur pe tla tur hian kum li hun pek a ni.

Bissonette hian US Navy Seal-a a awm lai hian thuruk puang≠chhuak lo tura inremna thu≠thlung pawh a lo ziak tawh a, a ṭan chhung hian a ruka beihpui thlakna pawimawh eng emaw zatah a tel a ni.

Justice Department thupuangtu Nicole Navas chuan Bissonnette-a'n sipai a ṭan chhunga ram tana a hnathawhte chu an ngaihlu lo ta tihna a ni lo tih a sawi a, mahse service member-te chuan thuruk puang lo tura thuthlung an lo ziahte chu an zawm a ngai a ni, a ti.