KKK-in Confederate flag lak thlak a duh lo

US-a South Carolina khaw­pui, Columbia Statehouse-a Confe­derate flag chu chi inthliarna thlawp­na lantirna anga ngaiin lak­thlak tum a ni. Hei hi duh loin, Ku Kluk Klan chuan July 18 hian kawng zawh a tum.

Confederate flag hi American Civil War laia mihang sal neih thlawptute'n flag atana an hman a ni. Tun hnaia South Carolina state-a Charleston khuaa mihang biak-in chu chi inthliarna thlawptu mi pakhatin beiin, mi pakua a kaphlum a, pawikhawihtu hian a Facebook-ah confederate flag a keng lai thlalakte a dah a ni. He pawikhawihna thlen hnu hian Confederate flag lak thlak hi mi tam takin an phut zui a, politician larte pawhin an thlawp a ni.

Confederate flag lak thlak tum chungchangah karleh hian legislator-te'n vote an la ang.

Ku Klux Klan-a Loyal White Knights chuan Statehouse hmarlamah mi 100-200 inkar tana kawngzawh huaihawt dilin, and dilna hi phalsak a ni. Mahse state Governor Nikki Haley-i chuan KKK-te thiltih tum chu an lawm lo hle tih sawiin, "Hei hi kan state a ni a, an thil tum hi kan lawm lo hle," a ti.