Hotel-ah ah sipai thlawh­theihna a tla

Indonesia sipai thlawh­theihna chu nimin khan Suma­tra hmarlama Medan khawpui chhunga hotel pakhat chungah a tla a, mi 30 an thi.

Sipai thupuangtu, Fuad Basya chuan sipai thlawh­theihna, C-130 Hercules-ah hian pilot telin mi 12 an chuang tih a sawi. Thlawhtheihna tlak­na hmunah hian kangmei a chhuak zui a, hotel leh a ṭhen­awma chenna-inte a kang a ni.

Hercules thlawhtheihna hi Medan air force base aṭang Natuna thliarkar pana thlawk a ni a, mahse a thlawhchhuah hnu reiloteah a tla ta a ni. A tlak hma lawk hian pilot chuan khawl lam chian loh avangin thlawh kir leh pawh a dil hman a ni.