NKorea-in khualzinte tan ramri bul khua tlawh phalsak

North Korea chuan an ram hruaitu hlui, Kim Jong Il piancham lawmna pualin China nena an inrina bula awm Rason khua chu ram dang khualzinte tlawh a phalsak dawn.

Covid-19 hripui leng vangin North Korea hian ramri hi khar a ni a, tun thlengin a la hawng leh lo a ni.

Tour operator-te chuan Rason khaw tlawh duhte tan booking pawh an hawn tawh thu sawiin Special Economic Zone-a awm, khualzinte hian Rason khuaa hmun hrang hrangte an tlawh thei dawn tih an sawi. Hei bakah North Korea rama hunpui pawimawh tak, Kim Jong Il piancham lawmna pawh a hmang thei dawn bawk niin an tarlang bawk.

NKorea ram hruaitu ni mek, Kim Jong-un-a pa, Kim Jong Il piancham hi February 16 niin, hemi ni hi Day of the Shining Star tia vuah a ni a, an ram pumah ropui takin military parade nen hman a ni ṭhin.