Japan-ah typhoon a tleh

Japan rama Greater Tokyo bialah thlipui typhoon Mindujlle a tleh a, thlipui tlehin chhiatna a thlenah mi pakhat a thi a, mi dang eng emaw zatin hliam an tuar.

Typhoon Mindulle hian Thawh-
ṭanni tlai khan Tokyo hi a nuai a, Japan hmarlam Tohoku bial lama a pan niin Japan Meteorological Agency chuan a sawi. Thlipui hi darkar khatah km 180-a chakin a tleh a ni.

Thlipui tleh dawn vang hian Greater Tokyo leh hmarchhak lam biala cheng mi tam tak chu an in chhuahsan tura hriattir an ni. Thlipui hian ruah a ken tel avangin ruahsur nasa avangin lei tawlh, tuilian leh tuifawn sang tak tak a thlen mai theih thu thuneitute chuan an sawi.

Japan ram chhung hmun hrang hrangah thlipui tleh vang hian flight 500 chuang cancel a ni a, Narita International Airport pawh khar lailawk a ni. Japan Airlines chuan domestic flight 145 a cancel a, khualzin 26,910 velin harsatna an tawh phah a ni. All Nipon Airways pawhin domestic flight 96 a cancel bawk.