Sarkozy-a'n French President inthlanah chuh leh dawn

France President hlui Nicolas Sarkozy chuan kum 2017-a an ram President thlanna neih turah chuh leh a tum tih a sawi.

Nicolas Sarkozy chuan an ramin harsatna a tawh mek laiin ram hruai hna thawk tur hian a chak tawk nia a inngaihthu a sawi a, hei vang hian President chuh hi a tum leh tih a Twitter account-ah a tarlang. Vawiin hian a lehkhabu ziah, "Everything for France" tih chu a tlangzarh dawn bawk.

France President thlanna neih tur atan hian Republican party candidate chuh tumte tan kumin November thla hian primary election neih a ni dawn a, a chuh tumte tan September 9 thleng nomination thehlut theih a ni ang. Sarkozy hian President chuh tur inbuatsaih nan hian center-right party hruaitu a nihna aṭangin a bang dawn nia sawi a ni.

Kum 61 mi, Sarkozy hian kum 2012 khan President term hnihna chelh tura a beihnaah a chak zo lo a, inthlan tawh hnihna neihnah Socialist hruaitu Francois Hollande a hneh lo a ni. Kum hnih chhung politics lam a chawlh≠san hnuah a rawn kir leh a ni.