Africa ramten malaria laka fihlim ram siam an tum

World Health Organization (WHO)-a Africa member ram 47 te chuan Afria khawmualpui chu malaria laka fihlimah siam tumin ruahmanna thar an siam. Khawvel puma malaria natna vanga thihna thleng zinga 90% chuang hi Africa khawmuala thleng hi a ni.

UN thupuangtu Stephane Dujarric chuan Africa ram hruaitute hian malaria umbo tura hmalak dan thar siam an remti tih a sawi.

Dujarric chuan malaria natna umbona tura programme hrang hrang lo kalpui tawh aṭangin, kum 2000 aṭang khan Africa ramah malaria vanga thihna hi 66% hi a tlahnim tawh niin a sawi. Mahse tun thlengin Africa khawmualpuiah malaria hri leng hi an la buaipui hle a, kum 2015 khan mi 190 in veiin, an zinga 400,000 chuan an thihpui a ni, a ti.

Africa ram hrang hranga mi maktaduai 800 vel chu malaria vei mai thei dinhmunah an la ding reng nia sawi a ni. WHO chuan kum 2030-ah Africa khawmual aṭanga he natna hi umbo vek tumin hma a la a, a hmalakna senso atan hian US dollar maktaduai 66 ruahman a ni.