Singapore President hlui a thi

Singapore President hlui, Sellapan Ramanathan chu kum 92 mi niin Thawhṭanni khan a thi.

SR Nathan tia hriat lar, Sel≠lapan Ramanathan hi Singapore president parukna a nih bakah, president dinhmun chelh rei ber a ni. July 31 khan stroke vangin damdawi-inah dah luh a ni a, heih kum hnih chhunga a stroke ṭum hnihna a ni.

Ramanathan hi Singapore president dinhmun hi term hnih, kum 1999-2011 chhung khan a chelh a ni. Hemi hma hian sorkar hna pawimawh tak tak a chelh a, kum 1988 khan Malaysia-ah high commissioner niin, kum 1990-1996 khan US-ah Singapore ambassador a ni.

Prime Minister Lee Hsien Loong chuan President hlui a ui thu sawiin, mi nelawm tak leh kawmnuam tak, Singapore mipui≠te ngaihsak tak a ni, a ti. A hna a ngaih pawimawh a, a tihtura awm apiangte chu theihtawp chhuaha beih ṭhin, Singapore fapa dik tak a ni, a ti.