Bangladesh-ah gas put vangin mi 200 chuang an damlo
Bangladesh-a chemical fertiliser factory-a tank puakah gas hlauhawm tak a put avangin factory chheh≠vela cheng mi 200 chuang an damlo.
Thawhṭanni zan khan Chittagong khuaa di-ammonia phosphate (DAP) plant-a 500-tonne capacity ammonia tank a puak a, gas put vang hian factory bula cheng mi tam tak chu police leh fire official-te chuan hmun him lamah an sawnchhuak a ni.
District chief administrator Mesbah Uddin chuan mi 56-te chu Chittagong Medical College Hospital-ah dah luh nghal an ni tih a sawi a, mahse an dinhmun a hlauhthawnawm loh niin a sawi.
Kangṭhelhtute chuan gas put hi tihtawp tumin Thawh-
ṭanni zan zankhua khan an bei a, nimin zing lam khan an titawp thei ta niin an sawi. Official-te chuan thli na tak a tleh tel avangin gas put hi km 10 bial velah a chhem darh a, hei vang hian factory aṭanga hmun hla zawka cheng zingah pawh damloh phah an awm a ni.
Bangladesh sorkar chuan factory-a gas tank puah chhan hi chhuichiang turin thupek a tichhuak a, member pathum awmna inquiry team chuan nimin tlai khan factory hi an tlawh nghal a ni.