China-in Taiwan Strait bulah military drill nei

US senior official-in Taiwan a tlawh ni takin China chuan Taiwan Strait bulah military drill a nei. 

Nimin khan US State Department official Keith Krach chuan high level meeting nei turin Taiwan hi a thleng a ni. Hetih lai hian nimin zing aṭangin China chuan military drill hi a buatsaih ve nghal bawk. 

China chuan mahnia ro inrel, Taiwan hi a ram chingah a la chhiar a ni. Keith Krach-a'n Taiwan a tlawh tur pawh hi a hma aṭangin a lo helh tawh a, defence ministry thupuangtu Ren Guoqiang chuan China thunun theihna atana Taiwan hman tum leh, ram dangte hmanga intihchak tumna chu an duhthusam mai a ni tiin Taiwan leh US in meeting an neih tum chungchang hi a sawi. "Mei hmanga infiam chu an la kang ngei ang," tiin a vau lawk. 

US undersecretary of economic affairs Krach hi vawiina Taiwan president hlui Lee Teng-hui hriatrengna hun hmanna inkhawma tel tura kal a ni a, nimin khan Taiwan president Tsai Ing-wen nen inkawmin, an thu sawi dun erawh puanzar a ni lo.