US leh Cuba-in embassy hawng turin inremna siam

United States leh Cuba chuan Washing­ton leh Havana-a em­bassy hawng leh turin inremna an siam.

Ram pahnihte hi an inkar boruak ṭha lo avangin kum 50 chuang zet chu palai an intir tawn thei tawh lo a, mahse tun hnaiah an inkar boruak siamṭhat tumin hma an la leh a ni. Thla 18 zet inbiakna an neih hnuah, nikum December thla khan inlaichinna ṭha siam leh an remti.

April thla khan US President Barack Obama leh Cuba Pre­si­dent Raul Castro-te chuan Panama-ah meeting an nei a, hei hi kum 1956 hnua ram pahnih president-te'n meeting an neih dun lehna hmasa ber a ni.

An inkar boruak ṭha lo siamṭhatna kawng khat atan May thla khan US chuan Cuba chu firfiakte thlawptu ram list-a a dah aṭangin a paih bawk.