Thlawhtheihna tlaa thi 141 an tling tawh
Medan khawpuia mihring chenna bial chhunga Thawhlehnia Indonesia sipai thlawhtheihna tlaa thi chu mi 141 an tling tawh.
Sipai thlawhtheihna, Hercules C-130 hi Sumatra thliarkara airbase aṭanga a thlawhchhuah hnu reiloteah Medan khawpuiah hian a tla a, building leh motor-te a delh chhe nasa hle. A tlak hnu hian hmuh tlak awm lo khawpin a kang zui bawk a ni.
Thlawhtheihnaah hian sipai leh an chhungte 122 bakah thawktute an chuang a, dam chhuak an awm lo tiin air force thuchhuak chuan a tarlang.
Police official-te chuan ruang hmuh zinga 45 te hi tute nge an ni tih hriatchian a ni tawh tih an sawi a, an zinga 30 chu air force mi leh sa niin, khawmual sipai paruk leh civil mi pakua an ni tih an sawi.
Thlawhtheihna-in building a delhchhiatah hian massage parlour leh hotel te a awm. Medan hi Java thliarkar pawn lama khawpui lian ber leh, economic centre a ni. Kum 2005 khan khawpui daia mihring chenna bialah Mandala Airlines thlawhtheihna a lo tla tawh bawk a, mi 150 an thi.