UNESCO in heritage site tihchhiat a dem

United Nations cultural agency, UNESCO chuan Ger­many Bonn khuaa conference a neihah, tun hnaia Iraq leh Syria rama hmun hlui pawimawh tak tak tihchhiat a ni chu a dem thu a tarlang.

Islamic State (IS) firfiakte chuan Iraq leh Syria ram an ram lak chin huam chhungah cultural heritage site eng emaw zat an tichhia. UNESCO chuan world heritage site pali-te tihchhiat a ni tawh a, hei bakah han Samarra-a archeological site pawh an suasam nasa hle tih a sawi.

Iraq chuan March thla khan US kaihhruai ṭangrual sipaite hnenah an ram chhunga hman lai ro hlu pawimawh tak takte tihchhiat leh rukbo a nih laka venpui turin a lo ngen tawh a ni.