US President Obama'n tuilian tuarte a tlawh

US President Barack Obama chuan tuilian avanga harsatna tawk mek, Louisiana state-a Baton Rouge bial a tlawh a, tuilian tuartute chu ṭanpui zel a tiam.

Obama chuan chhiatna thleng avanga nunna chan chhungte chu a tawrhpui thu sawiin, tuilian tuarte chhan≠chhuah leh chhawmdawl hna thawhna kawnga state official-te hmalakna chu fakawm a tih thu a sawi.

President hian thla hmasaa Baton Rogue police officer-te'n mihang an kahhlum, Alton Sterling-a chhungte a tlawh nghal bawk. Sterling kahhlum a nih vang hian US ram chhung hmun hrang hrangah chi inthliarna duh lohna lantirin nawrh huaihawt a lo ni tawh a ni.

Louisiana state-ah hian August 11 aṭang khan tuilian hi an tuar a, tuilianin chhiatna a thlenah mi 13 an thi tawh a, mi 2,800 chuan an chenna hmun an chhuahsan tawh bawk. August 14 khan President chuan Louisiana state-ah hian emergency a lo puang tawh a, Fe≠deral Emergency Management Agency (FEMA) chuan tuilian tuarte ṭanpuina ata hian dollar matkaduia 127 a pe chhuak tawh bawk.