Turkey-in Syria-a IS lakah beihpui thlak

Turkey sipaite chuan Syria nena an ramri-a Islamic State (IS) firfiak lakah beihpui a thlak ṭan ta.

Beihpui thlak tur hian Syria ram chhungah Turkish special force-te an lut a, Turkey sipai leh US kaihhruai ṭangrual ramte chuan an lo pui bawk. Turkey chuan ramri-a IS firfiakte chu thenfai vek a tum thu a sawi.

Turkey Prime Minister office chuan thuchhuah siamin, Turkish Armed Forces leh International Coalition Air Force-te chuan Aleppo province-a Jarablus district-ah Daesh (IS firfiak) te lakah beihpui thlak mek a ni, a ti. Turkey hian kar hmasaa an ram chhim lama thihchilh bomb puak avanga mi tam tak thihna thlentuah IS-te hi a puh a ni.

Jarablus khua hi kum nga chuang liamtaah khan Syria sipaite kut aṭangin IS hian an la tawh a, tun ṭuma Turkey-in beihpui a thlaknaah pawh an tel ve lo.