Venezuela president duh lotu sorkar hnathawkte ban dawn

Venezuela President Nicolas Maduro chuan President a nihna aṭanga ban a nih theihna tura mipui vote lak phuta petition thehluttu zinga sorkar hnathawk awmte chu an hna aṭanga ban turin a hriattir.

President Maduro hian ministry panga hnenah petition-a hming ziaktu zinga managerial post vuan chin hnathawktute hming list chu a pe tawh a, heng mite hi ban turin a hriattir niin rorellai Socialist Party thupuangtu, Jorge Ro≠driguez chuan a sawi.

Rodriguez chuan eptu pawlte buatsaih petition-a hming ziaktute hian Maduro-a kaihhruai sorkarah hmun an nei tawh lo a ni, a ti. "President Nicolas Maduro-a dodaltute chuan ministry, public institution, state leh local government-a management lam khawih tura an awm a rem tawh lo a ni" a ti.

Petition-a hming sign-tute hming list hi food, finance, laboure and basic industries mi≠nistry-te bakah president office-ah thawn a ni.

May thla khan eptu ṭangrual pawlte buatsaihin President Maduro-a paihthlak a nih theihna tura mipui ngaihdan lakna, Democratic Unity Roundtable buatsaih phutin electoral thuneitute hnenah petition theh≠luh a ni. He petition-ah hian mi maktaduai 1.8 in an hming an sign.