Dakota oil pipeline siam tur duh lo
US-a Dakota Access pipeline siam tur duh loin Native American-te chuan Washington DC-ah lungawi lohna an lantir.
Dollar tluklehdingawn 3.7 senga Dakota Access pipeline siam tur hian mel 1,168 zeta thui a awh dawn a, Iowa, Illinois, North leh South Dakota-te a paltlang dawn a ni. Mahse Native American-te'n hei hi an duh loh avang≠in North Dakota-ah a siam hna hi chawlhsan lailawk a ni.
US District Judge James Boasberg chuan hemi chungchangah hian September 9-ah thuthlukna a siam dawn tih a sawi.
Native American-te chuan oil pipelina siam turah hian nitin crude oil barrel 570,000 kaltir a nih dawn vangin tualchhunga tui an lakna thlenga a nghawng buai an hlauhthawn thu an sawi.
Hetihlai hian pipeline siamtu, Energy Transport Partners company chuan he project hian tualchhung sum lakluh lamah nghawng
ṭha tak a siam dawn a, rel emaw motor emaw hmanga oil thiar aiin a him zawk dawn a ni, a ti.
North Dakota-ah pawh mi tam takin nawrh an huaihawt bawk a, North Dakota-a pipeline kaltlangna tur hmunah mi tam tak an pungkhawm a ni.