Afghanistan-a American University bei

Afghanistan khawpui, Kabul-a American University chu Nilaini zan khan firfiak nia hriatten an bei a, zirlai pasarih, police pathum leh security guard pahnih an kaphlum.

Kabul police Criminal Investigation Department hotu Fraidoon Obaid chuan pawikhawihna thlengah hian mi 44 in hliam an tuar a, an zinga 35 chu zirlai an nih thu a sawi.

Security force-te chuan university beitute hian compound chhungah thil tipuakin silai an hmetpuak zui niin an sawi a, security force-te chuan university hi pawn lam aṭanga hualin an kap let nghal a, firfiak pahnih an kaphlum.

August 7 khan he university-a thawk pahnih, America leh Australia mite chu rukbo an lo ni tawh a, tun thengin an chin hriat a la ni lo.