Mipui ngaihdan lakah Hillary-in hma a hruai
Kum 2016-a US President thlanna neih tura Democratic party candidate nih tum Secretary of State hlui Hillary Clinton-i chuan duhtu a la ngah ber.
CNN leh ORC-in mipui ngaihdan an lak hnuhnung berah, Hillary Clinton-i hian candidate chuh tum dangte aiin point 40 chuangin hma a hruai. Democrats member leh thlawptu zingah President atana Hillary duhtu hi 57% an awm a, 16% chuan Vice President ṭanglai Joe Biden an duh laiin 14% in Senator Bernie Sanders an thlawp thung.
Republican candidate chuh tumte zingah double digit hmu pha pahnih, Bush leh sumdawng hausa, tun hnaia candidate a chuh tum thu puangtu Donald Trump te chauh an awm. Bush hian duhtu 19% neiin, Trump hian 12% a nei.