Saudi prince-in mi ṭanpuina tan dollar tld 32 a pe
Saudi Arabia lal fapa, Prince Alwaleed bin Talal chuan midangte ṭanpuina atan a sum neih, dollar tluklehdingawn 32 chu a thawh vek dawn tih a sawi.
Prince Alwaleed hi kum 60 mi a ni tawh a, Forbes-in khawvela mi hausa list a tihchhuah hnuhnung berah 34 na a ni.
Saudi prince chuan kum 1997-a Bill Gates leh a nupui, Melinda Gates te'n midangte ṭanpuina tura an din, Gates Foundation-in a rilru a hneh hle tih a sawi. Hei vang hian charitable organisation a din, Alwaleed Philanthropies tan a sum neih chu a hlan vek dawn tih a sawi. Hengte hi hmeichhiate thuam chakna atan te, chhiatna thlenga tuartute chhawmdawlna atan leh thil dang ṭangkai tak takah hman a ni ang, a ti.
Bill Gates chuan Prince Alwaleed-a thil tih chu fakawm a tih thu sawiin, "Hei hi khawvel pum mite tan midangte ṭanpui hna thawk tura fuihtu ropui tak a ni," a ti.
Prince Alwaleed hian sorkarah chanvo pawimawh a chelh lo a, investment firm Kingdom Holding Company chairman a ni. He company hian The Four Seasons leh Fairmont and Raffles hotel a neih bakah, News Corp, Citigroup, Twitter leh Apple-ah te share a nei.