UN hotuin Sri Lanka a tlawh dawn

UN Secretary General Ban Ki-moon chuan ni thum cham turin August 31 hian Sri Lanka a pan dawn.

Ban Ki-moon hian a cham chhungin Sri Lana President Maithirpala Sirisena leh Prime Minister Ranil Wickeremsinghe-te a kawm dawn a, Colombo-a Sustainable Development Goal chungchanga vantlang inkhawm buatsaihah thu a sawi bawk ang.

Ban hian hmar lam bial Jaffna-a tualchhung buaina avanga chenna nei loa awmte tana an awmna tur hmun sorkarin a siamsak chu a tlawh dawn a, chhim lam Galle-ah outh and reconcilation conference a hmanpui bawk ang.

Sri Lanka a pan hmain Ban hian Singapore leh Myanmar a tlawh hmasa dawn a, Sri Lanka aṭang hian China-a G20 Summit leh Lao-a ASEAN-UN Summit hmang turin a kal leh ang. Singapore-ah hian Prime Minister Lee Hsien Loong a hmuk dawn a, National University of Singaporep-ah Singapore President Tony Tan Keng Yam-an Honorary Doctorate a hlan dawn bawk a ni.

Myanmar-ah hian President U Htin Kyaw leh Myanmar Armed Forces Commander-in-Chief Senior General Min Aung Hlaing bakah civil society hruiatute a kawm ang. State Councellor leh Foreign Minister Aung San Suu Kyi-i pawh a hmu dawn a ni.