Italy-in emergency puang

Italy sorkar chuan Nilaini-a an rama lirnghing vanga chhiatna nasa tak a thlenna, central Italy-ah emergency a puang. Nimi thleng khan lir≠nghing vanga thi hi mi 267 an tling tawh a ni.

Prime Minister Matteo Renzi chuan lir≠nghingin thil a tih≠chhiatte siamṭhatna atan euro maktaduai 50 pek a ni dawn tih a sawi.

Lirnghing vanga thi hi mi 267 tling tawhin, hliam tuar mi 400 chuang an awm. In chim hnuaia tangte zawn hna chu mi 5,000 chuangin an thawh chhunzawm reng a, mahse lir hi a nghin nawn fo avangin an thawk chak thei lo niin an sawi.

PM Renzi chuan lirnghinna biala chengte sorkara chhiah an pek chu tihtawp sak a ni rih tih sawiin, in sak chung≠changa sorkar sawiselna nasa tak awm mek beih≠letna turin hmalakna thar, 'Italian Homes' siam a nih thu a sawi.

Central Italy-a lir≠nghingin chhiatna nasa tak a thlen hnu hian Italian press-te chuan lirnghin duhna biala in sak dan kalphung chungchangah sorkar an bei nasa hle. In tlu chhia a tam a, heng zinga
ṭhenkhat chu tunhnai maia chei tharte an ni. Mahse PM chuan hei hi chhangi, Italy ramin lirnghing laka him vek tur in sa thei tura ngaihna chu, ngaihdan awm lo tak a ni, a ti.

Hetihlai hian Italy National Council of Engineers hotu, Armando Zambrano chuan buil≠ding hlui zawkte thuam ṭhatna, lirnghing a thlen palh pawha chhiatna nasa lutuk thleng tur veng thei tur technology chu a awm a, mahse hemi atana ram chhunga hmun hlui pawimawhte thuam tur hian euro tluklehdingawn 93 vel a ngai dawn niin a sawi. "Thihna thleng
ṭhinte hi kan veng thei dawn a ni. Hma kan lak chak tawk loh avangin heng chhiatna rapthlak tak hi a thleng ṭhin a, chhiatna a thlen apiangin kan ti ang tiin an sawi a, mahse engmah ti loin hun a kal liam leh zel ṭhin" a ti.

Expert ṭhenkhat chuan Italy rama high-risk area-a building 70% vel chuan lirnghing laka him theihna tura duan, anti-seismic standard an zawm lo niin an sawi.