Hungary-in ramri a hung belh dawn

Hungary sorkar chuan an ram chhunga ral tlan luh tumte dan nan chhim lam, Serbia nena an inrina chu a hung leh dawn.

Prime Minister Viktor Orban chuan ramri hung a nih tur thu hi a puang a ni. Hemi hma hian Hungary sorkar hian Balkans bial aṭanga an rama ral tlan luh tumte dana ramri, km 500-a thui a lo hung tawh a ni. Ramri an lo hung tawh sate pawh thuam
ṭhat an nih tur thu a sawi.

Hungary sorkar chuan ramria venhim hna thawk tura police a dahte pawh a tipung a, dan loa ramri kan luih tumte chu tharum hmanga nawrh chhuah an nih tur thu a sawi.

Kum 2015 chhung khan Hungary ram hi raltlan nuai li velin an paltlang a, heng raltlante hian Europe hmar leh khawthlang lamte an pan ber a ni. Mahse ramri hung a nih hnuah dan loa lut an tlem sawt hle a, kuminah raltlan lut hi mi 18,000 vel chauh nia sawi a ni.