Italy museum-te'n lir-nghing tuarte ṭanpuina hlan dawn

Italy rama kar kalta Nilaini-a magnitude 6.2-a naa lir nghing vang thi chu mi 291 an tling tawh a, chenna in, biak in leh hmanlai in hlui pawimawh tak tak a chhe nasa hle.

Lirnghingin thil a tihchhiat hrang hrangte siamṭhat lehna tura hmalaknaah, ram puma public museum-te chuan nimina museum tlawhtute aṭanga sum an hmuhte an hlan dawn.

Inrinni khan lirnghing vanga thi mi 35-te vui an ni a, vuina inkhawmah hian Prime Miister Matteo Rezi leh President Sergio Mattarella pawh an tel. Vuina inkhaw hi Ascoli Piceno-a sports hall-ah neih a ni a, Bishop Giovanni D'Ercole chun inkhawm kaihruaiin, mipuite chu huaisen taka awm turin a fuih.

Culture Minister Dario Franceschini chuan lirnghing hian hmanlai hmun pawimawh tak tak 293 zet a tichhia tih sawiin, a tam zawk chu biak-in a nih thu a sawi. Heng hmunte hi ṭhenkhat chu an tlu sawp vek a, ṭhenkhat chu hman zui tlak lohin an chhe bawk. Minister chuan lirnghing tuarte an tuarpuina lantir a, museum-ten sum an tuakna kawnga pui turin nimin khan Italy mipuite chu museum tlawh vek turin a ngen.