Philippines-ah Muslim firfiakten jail an bei

Philippines chhim lam, Mrawi khuaa jail chu Muslim firfakten Inrinni khan an bei a, jail tang mi 28 an tlanchhuak.

Jail beitute hi Maute pawl member 50 vel an ni a, Islamic State (IS) firfiak pawl chhinchhiahna an keng bawk. Jail beih a nih avanga tang tlanchhuak zinga mi pariat hi Maute member, bomb leh pistol an ken vanga kar kaltaa police-te'n an mante an ni.

Maute pawl hi Philippines chhim lam, Mindanao biala Muslim helpawl eng emaw zat awm zinga pakhat a ni. He bial hi Muslim tlemna, Catholic tama bial a ni. Maute helte hi kumin February thlaa Butig khuaa sipaite out-post beitute kha nia hriat an ni bawk.

Thuneitute chuan Inrinni-a jail beih a ni laia guard-te'n an lo dan theih lohna chhante an chhui mek a, hei bakah hian Maute member-te dah luh an nih hnuah venhimna lam tihkhauh a nih loh chhan pawh an chhui dawn tih an sawi.

Kum 2009 khan Muslim firfiiakten Basilan thliarkara jail an lo bei tawh bawk a, hemi ṭum hian tang 31 an tlanchhuak a ni.