UNSC-in North Korea demna thu tichhuak

North Korea-in August 23-a tuihnuai lawng aṭanga ballistic missile a kapchhuak leh chu an dem thu United Nations Security Council chuan sawiin, NKorea thiltih dan chu Security Council resolution palzutna lian tak a ni, a ti.

Member 15 awmna, UNSC-in thuchhuah a siamah hian NKorea in August 2 leh July 18-a ballistic missile a kahchhuah thu te, July 9-a submarine aṭanga ballistic missile a kahchhuah thute a tarlang tel. "Hengte hi United Nations Security Council resolutions 1718 (2006), 1874 (2009), 2087 (2013), 2094 (2013) leh 2270 (2016) palzutna a ni" a ti.

Security Council hian NKorea nuclear leh missile program khuahkhirhna tur≠in resolution panga - 1718 (2006), 1874 (2009), 2087 (2013), 2094 (2013) leh 2270 (2016) a lo siam tawh a ni. A hnuhnung ber chu kumin March thlaa a siam a ni a, he resolution hnuaiah hian NKorea-in bungrua a thawnchhuah tur hrekna leh a thil neihte khawih chet theih loh dahsakna te pawh a tel. UNSC chuan March thlaa NKorea hrekna thar a siam hi a taka bawhzui turin member ramte a hrilh bawk.