Greece-in raltlan naupangte zirtirna pe dawn

Greece chuan September thla aṭang hian an rama raltlan naupang awmte chu lehkha zirtir a tum.

Greece Education Ministry chuan ruahmanna thar an siam hnuaiah hian raltlan naupangte lehkhan zirtirnaah hian UNICEF leh international organization dangten an pui dawn tih a sawi. Greece ramah hian September 12 aṭangin school session hi ṭan a ni dawn a, raltlan naupangte hian an awmna aṭanga public school hnai berah nitin bus-in hruai an ni ang a, reception centre-ah class neihpui ṭhin an ni ang.

Raltlan naupangte hi an pianpui ṭawng bakah, English leh Greek ṭawngte zirtirn an ni dawn a ni. An awmna refugee camp hrang hrangah hian hun eng emaw chen chu education programme kalpui a lo ni tawh bawk.

UNICEF chuan Greece rama raltlan leh pem luh awm mek, mi 57,000 zingah naupang 22,000 vel an tel niin a tarlang. Greece Education Ministry official-te chuan heng zinga naupang 18,000 te chu school kal rual an ni tih a sawi.