China-ah leiminin a chhilhte zawng mek

China ram chhim thlang lam, Sichuan province -ah February 8, Inrinni khan leimin nasa tak thlengin in 10 a hnawl a, mi 29 vel lemin hian a chhilh nia hriat a ni a, nimin khan zawn chhunzawm an ni. Lei minna bula cheng mi tam tak hmun him lamah an in sawnchhuak bawk.

Ministry of Emergency Management chuan lei minna hmun hi Junlian county-a thingtlang khaw pakhatah a ni tih sawiin, chhanchhuah hna thawk tur hian mi tam tak tirh an ni. Mi pahnih chu nungdama lak chhuah an ni tawh. Leimin hian thil siamna hmun pawh a chhilh tel a ni.

Thuneitute chuan tun hnaia ruah sur nasa tak avangin leimin hi thleng niin an sawi a, chin hriat loha awm zat chiah hi hriatchian a la ni lo tih nimin khan an tarlang.

President Xi Jinping chuan chhiatna thlen dante chhui chiang tur leh, leimin hlauhawm theihna hmunte pawh uluk taka enfiah turin a hriattir. Chhiatna thlen hlauhawmna biala chengte chu hmun him lama sawnchhuak turin a ti bawk.