Khawvela passport thil tithei ber Singapore

Global government advisory firm, Henly & Partners in khawvel ram hrang hrangte passport ranking a siamah, Singapore ram passport chu passport zingah thil tithei ber a ni. Japan leh South Korea-in an dawt.

Henley & Partners hian International Air Transport Association (IATA) data behchhanin, passport hmanga ram an tlawh theih dan azirin ranking hi an siam tih an sawi. Singapore passport hmang hian ram 193 a luh theih a, Japan leh South Korea passport hmang hian ram 190-ah a luh theih bawk. Denmark, Finland, France, Germany, Ireland, Italy, leh Spain passport hmangin ram 189 a luh theih bawk a ni. India chu 80-naah a awm.

Ranking-ah hian Afghanistan ram chu a mawng berah awmin, an passport hmang hian ram 25-ah chauh a luh theih. Syria passport hmangin ram 27, leh Iraq passport hmangin ram 30 chauh a luh theih bawk.