Israel PM-in Gaza chungchanga Trump ruahmanna kalpui duh

Israel prime minister Benjamin Netanyahu chuan US president Donald Trump-a'n Gaza Strip aṭanga Palestinian-te sawn chhuah vek a rawtna chu fakin, Trump ruahmanna ti puitling tura hma lak chu Israel in a duh tih a sawi.

Hetih lai hian Gaza Strip-a chengte sawn chhuah chungchanga President Trump rawtna siam hi Middle East ramte chuan an sawisel nasa hle thung.

Netanyahu chuan, "President Trump rawtna siam hi kum eng emaw chen hnuah ngaihdan thar ṭha tak awm a ni a, hei hian Gaza dinhmun chu pawh a thlak danglam thei dawn a ni," a ti.

Israel PM hian Saudi Arabia ramah Palestinian ram dinna tur ram a la awm zau tawk niin a sawi bawk a, "Saudi chuan ram an la ngah a, Palestinian ram an din t hei ang. Helai hmunah chuan October 7-a thil thleng avang khan Palestinian ram din hi kan phal dawn lo," tiin a sawi bawk a ni. Saudi Arabia Foreign Ministry chuan thuchhuah siamin Netanyahu thusawi hi an pawm loh thu leh an dem thu an sawi ve nghal a, Palestinian-te chuan anmahni ram ngeia awm turin dikna an nei a ni, tiin an tarlang.