EU Trade Minister-ten video conference nei dawn

European Union hnuaia trade minister-te chuan vawiin hian video conference an nei dawn a, US president Donald Trump-a'n steel leh aluminium an lak luhah chhiah a tih san chungchang an sawi ho.

Donald Trump hian an ram huna Thawhṭanni zan khan ram dang aṭanga steel leh aluminium an lak luhah chhiah 25% lak a ni dawn a, ngaihnathiam tumah an awm dawn lo tih a sawi. He ruahmanna hi March 4 aṭanga hman ṭan a ni dawn tih White House official chuan a sawi bawk.

US hian an rama steel an hman hmun lia ṭhena hmun khat chu ram dang aṭanga a lak luh a ni, hei bakah aluminium pawh ram dang aṭanga a lak luhah a innghat nasa hle.

Vawiina meeting an neihah hian European Union trade policy buaipuitu, European Commission chuan EU member ram 27-ten US chhiah lak tur chungchanga an ngaihdante zawtin, hma an lak zui dan turte an sawi ho dawn a ni.