SKorea spy agency-in personal data lakhawmah DeepSeek puh

South Korea spy agency chuan tun laia hman lar chhoh tak, China artificial intelligence app, Deepseek chuan an personal data la khawma, inzirna atan hmangah a puh. Hei bakah an ram chungchang kaihhnawihah zawhna a chhan danah pawh fel hlel a awm niin an sawi.

National Intelligence Service (NIS) hian kar liam ta khan sorkar agency hrang hrangah hriattirna pein, China AI app chungchangah fimkhur turin a hriattir a ni. South Korea sorkara ministry ṭhenkhat chuan venthawn thilah Deepseek app hi an block a, Australia leh Taiwan pawhin Deepseek chungchangah fimkhur turin hriattrina an lo siam tawh bawk.

NIS chuan DeepSeek hian advertiser-te chu user data duh tawka en theiin, South Korean user-te data chu Chinese server-ah an dah ṭha niin a sawi. China ram danah, heng information hrang hrangte hi China sorkar chuan a duh hunah a ensak vek thei a ni, a ti.