US-in Iraq-ah sipai tirh belh dawn

US chuan Iraq sipaiten Islamic State (IS) firfiak kut aṭanga Mosul khua laklet tuma an beih meknaa pui turin America sipai 600 a tirh luh belh dawn. Mosul khua hi kumin chhungin laklet theih an inbeisei a ni.

America hian April thla aṭang khan ṭum hnih Iraq-ah hian sipai a lo thawn lut tawh a, tun hi a ṭum thumna tur a ni. Sipai tirh luh tharte hian Mosul khaw lakletna tura tel, Iraq security force leh anmahni thlawptu, Kardish helte chu training an pe dawn a ni. Hemi rual hian Iraq hmun dangah Iraq sipaite hi a ṭul angin an pui dawn bawk a ni.

Sipai thawn luh zinga ṭhenkhat hi Mosul
aṭanga km 60 vela hla, Qayara air base-ah an awm dawn a, ṭhenkhat chu khawthlang lama Ain al Asad air base-ah dah an ni thung ang.