Israel Parliament-in Peres hriatrengna hun hmang

Israel Parliament, Knesset-ah an ram President hlui boral ta, Shimon Peres-a zahna leh hriatrengna hun hman a ni a, Israel flag chu a ngul chanve-ah zar a ni.

Nimin khan Peres-a kuang hi Tel Aviv
aṭangin Jerusalem-a Knesset buildingah lak a ni a , zing dar 9 aṭanga zan dar 9 thleng mipuiten zahna an hlan theihna atan an tlawh phalsak a ni. Vawiinah Peres hi vui a ni dawn a, a thih huna thlahna hla sa tura a lo ngen tawh musician David D'or chu vuina inkhawmah hian a zai dawn a, Avinu Malkeinu (Our Father, Our King) tih hla a sa ang. Peres vuina inkhawmah hian ram dang hruaitu eng emaw zatin tel an tum a ni.