Indonesia President-in USD tld 3 chuanga siam Jakarta bula lawng chawlhna hmun thar a hawng
Indonesia president Joko Widodo chuan nimin khan state palace aṭangin video link kaltlangin West Java-a Patimban sea port siam thar chu a hawng.
Lawng chawlhna hmun siam thar hi an ram khawpui, Jakarta khawchhak lam km 140-a hla, Subang khaw bulah niin, US dollar tluklehdingawn 3.07 (rupiah trillion 43.2) senga siam a ni.
Subang-a port thar siam hi Tanjung Priok port tawt tawh lutuk tihziaawmna atana sorkar infrastructure project pawimawh tak pakhat niin, an ram economy pawhin a hlawkpui hle rin a ni. He project thawhna hi Japan sorkarin a tum a ni.