Israel-in UN report a pawm lo

United Nations report-in West Bank leh East Jerusalem-ah Israel sorkarin dan loin Juda-te chenna in a sa nia a report chu Israel chuan sawiselin a pawm lo tih a sawi.

Israel Prime Minister office chuan Thawhlehni khan thuchhuah siamin, Middle East-a UN palai-in Security Council-a report a thlen dan hi international law leh history sawi danglam tumna leh, remna leh muanna awm theihna tura hmalakna tihbahlah tumna a ni" a ti.

PM media adviser chuan dan loa Juda-te chennain sa nia puhna chu thil awm lo tak a nih thu a sawi. "Jerusalem, Judai leh Samari (West Bank) ah te chuan kum sang tel Juda-te an lo awm tawh a ni" a ti.

Kum 1967 Mideast War lai khan Israel chuan West Bank, East Jerusalem leh Gaza Strip-te hi lain a luahsak a, heng ramah hian Palestinian-te chuan ram hran din an duh a ni. Israel-in a ram luaha Juda-te chenna in a sak ṭhin chu Israel leh Palestinian ram dinna tura hmalakna daltuah ramdangte chuan an ngai a ni. Thawhṭanni khan United Nations' coordinator for the Middle East process, Nic≠kolay Mladenov chuan Israel hian thla hni kalta chhung khan West Bank leh East Jerusalem-ah Juda-te chenna tur in tam tak a sak belh niin a hrilh.

July 1 aṭang khan Israel thuneitute chuan East Jerusalem-ah in 1,000 leh West Bank-ah in 735 sak belhna tur hi an lo ruahman tawh a ni.